वैजापूर-भारती कदम
वैजापूर पोलीस ठाण्याच्या हद्दीतून चोरट्यांनी तीन मोटारसायकल लंपास केल्याची घटना मंगळवारी उघडकीस आली.शहरात दोन वेगवेगळ्या ठिकाणी व डवाळा येथे या मोटार सायकल चोरीच्या घटना घडल्या असून अज्ञात चोरट्याविरुद्ध पोलीसात गून्हा दाखल करण्यात आला आहे. शहरातील गंगापूर रोड वरील विश्वनाथ नगर मधील रहिवासी अविनाश नामदेव गायकवाड यांनी आपली मोटार सायकल घरासमोर लाॅक करून उभी केली होती.रविवारी रात्री ही मोटार सायकल (एम एच २०-ए तू ६०३९) चोरीस गेली.तिची किंमत १० हजार रुपये इतकी होती.डवाळा येथील रहिवासी शंकर चंद्रभान बहीरट यांची मोटारसायकल ८ डिसेंबर रोजी चोरीस गेली.त्यांनी आपली मोटार सायकल ( एम एच २० इ झेड ४५२०) घरासमोर लाॅक करून उभी केली होती.
ही मोटारसायकल चोरट्यांनी लंपास केली.तिची किंमत २५ हजार रुपये इतकी होती.तर तिसरी मोटारसायकल चोरीची घटना येवला रोडवरील नवीन भाजी मंडईत घडली.उत्तम कारभारी तरटे रा.उंदीरवाडी हे मोटार सायकल उभी करुन हाॅटेलमध्ये गेले.चोरट्यांनी त्यांची सुद्धा मोटार सायकल (एम एच १७ सी के ३८५३) चोरून नेली.ही घटना १९ नोव्हेंबर रोजी शहरात घडली.या मोटारसायकल ची किंमत ३० हजार रुपये इतकी होती.या प्रकरणी मंगळवारी अज्ञात चोरट्याविरुद्ध वैजापूर पोलीस ठाण्यात गुन्हा दाखल करण्यात आला आहे.
